Mazungumzo I: Neema na Erin wanakutana katika kongamano la masomo ya Kiafrika. #
Neema: Hujambo rafiki! Jina langu ni Neema.
Erin: Sijambo rafiki. Mimi ni Erin. Je, unatoka wapi Neema?
Neema: Ninatoka Dar es Salam, Tanzania. Na wewe je?
Erin: Mimi ninatoka katika mji wa Columbus, Ohio, Marekani. Je unasoma wapi?
Neema: Mimi ni mwanafunzi katika Chuo Kikuu cha Ohio State. Na wewe je?
Erin: Mimi ninasoma katika Chuo Kikuu cha Northwestern. Unasoma nini chuoni?
Neema: Ninasoma elimu ya siasa. Na wewe je, unasoma nini?
Erin: Ninasoma uandishi wa habari. Je, uko mwaka wa ngapi?
Neema: Mimi ni mwanafunzi wa mwaka wa tatu. Na wewe je?
Erin: Mimi ni mwanafunzi wa uzamili. Niko katika mwaka wangu wa pili. Unapenda programu yako?
Neem: Ndiyo, ninaipenda programu yangu lakini nina kazi nyingi za nyumbani na mitihani mingi. Je, wewe unafanya mitihani?
Erin: Mimi kawaida ninaandika insha na kufanya utafiti kwa sababu ninaandika tasnifu.
Neema: Una bahati sana. Je, unaendaje chuoni?
Erin: Kawaida huenda kwa kutembea lakini mara kwa mara ninaenda kwa basi. Na wewe je?
Neema: Nilienda chuoni kwa kutembea mwaka jana kwa sababu niliishi katika bweni, lakini mwaka huu ninaenda kwa baiskeli kwa sababu ninaishi nje ya chuo. Jamani nimefurahi kukufahamu. Ningependa kuhudhuria wasilisho la mwisho.
Erin: Nimefurahi kukufahamu pia. Mimi ninasubiri mahojiano ya kazi
Neema: Kila la heri rafiki yangu.
Erin: Asante.
Zoezi I: Maswali ya Mazungumzo
i. Neema anatoka wapi?
ii. Je, Erin anatoka wapi?
iii. Je, wewe unatoka wapi?
iv. Neema anasoma katika chuo gani?
v. Erin anasoma katika chuo gani?
vi. Je, wewe unasoma katika chuo gani?
vii. Neema yuko katika mwaka gani na yuko katika programu gani?
viii. Je, wewe uko katika mwaka gani na uko katika programu gani?
ix. Erin anasoma nini chuoni?
x. Ni nani anafanya kazi za nyumbani na mitihani chuoni?
xi. Je, wewe unapenda kazi ya nyumbani au mitihani zaidi?
xii. Kwa nini Neema anafanya utafiti?
xiii. Je, wewe unafanya utafiti? Kuhusu nini?
xiv. Wewe ni mwanafunzi wa shahada gani?
xv. Je, wewe unaishi katika bweni au nje ya chuo?
xvi. Neema na Erin wanaendaje chuoni?
xvii. Je, wewe huendaje chuoni?
xviii. Je, Neema na Erin wamekutana wapi?
Zoezi II: Familia na Chuo
Je, watu katika familia yako wanasoma/walisoma katika chuo/vyuo gani?
Zoezi III: Wasilisho/Presentation
Tayarisha wasilisho fupi kuhusu maisha yako ya chuoni/Prepare a short presentation about your life at school.